महाराष्ट्र राज्याची स्थापना झाल्यापासून गेल्या साठ वर्षांत मराठी भाषेच्या प्रश्नांच्या सोडवणुकीसाठी शासनाने अनेक यंत्रणा निर्माण केल्या, वेगवेगळ्या समित्यांची स्थापना केली, निरनिराळे अहवाल प्रकाशित केले. मराठी अभ्यास केंद्राच्या अथक प्रयत्नांमुळे आणि पाठपुराव्याने मराठी भाषा विभागाची स्थापना करणे शासनाला भाग पडले. शासनाच्या भाषाविषयक सर्व यंत्रणा मराठी भाषा विभागांतर्गत आणण्यात आल्या. या विभागाच्या सक्षमीकरणाकरीता मराठी अभ्यास केंद्राने शासनाला प्रस्ताव दिला. त्या विभागाच्या सक्षमीकरणाकरीता मराठी अभ्यास केंद्राने शासनाला प्रस्ताव दिला. या सर्व गोष्टींनाही आता दहा वर्षे झाली. एवढे सगळे करूनही मराठी भाषेच्या प्रश्नांची तड न लागता दिवसेंदिवस ते जास्तच जटिल होत आहेत.